ការចុះអនុស្សារណៈយោគយល់នេះរវាងវិទ្យាស្ថានសិក្សាចិនជាមួយ និងសហគមប្រតិបត្តិការដើម្បីជំរុញការអប់រំកម្ពុជាអាស៊ានចិន ក្នុងគោលបំណង់លើកស្ទួយវិស័យអប់រំដល់ប្រទេសកម្ពុជាសហប្រជាជាតិអាស៊ាន-ចិន។

វិទ្យាស្ថានសិក្សាចិននៃរាជបណ្ឌិត្យសភាកម្ពុជា)៖ នៅថ្ងៃអង្គារ ៨កើត ខែភទ្របទ ឆ្នាំរោង ព.ស.២៥៦៨ ត្រូវនឹងថ្ងៃទី១០ ខែកញ្ញា ឆ្នាំ២០២៤ វេលម៉ោង ៩៖០០នាទីព្រឹក នៅសាលប្រជុំទន្លេឆ្នារនៃអគារខេមរវិទូ វិទ្យាស្ថានសិក្សាចិននៃរាជបណ្ឌិត្យសភាកម្ពុជា និងសមាគមសហប្រតិបត្តិការដើម្បីជំរុញការអប់រំកម្ពុជា អាស៊ាន-ចិន ចុះអនុស្សារណៈយោគយល់គ្នាលើកិច្ចសហប្រតិបត្តការរួមគ្នា ក្រោមអធិបតីភាព ឯកឧត្តមបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា និង លោក សរ រិទ្ធី ប្រធានសមាគមសហប្រតិបត្តិការដើម្បីជំរុញការអប់រំកម្ពុជា អាស៊ាន-ចិន។

ពិធីចុះអនុស្សារណៈយោគយល់នោះដែរ មានការអញ្ជើញចូលរួមពី ថ្នាក់ដឹកនាំនិងមន្រ្តីរាជការពីវិទ្យាស្ថានសិក្សាចិន ក្រសួងអប់រំ យុវជន និងកីឡា និងអង្គភាពសារព័ត៌មានFresh Newsផងដែរ។ ជាងនេះទៅទៀត លោក សរ រិទ្ធី ប្រធានសមាគមសហប្រតិបត្តិការដើម្បីជំរុញការអប់រំកម្ពុជា អាស៊ាន-ចិន ក៏បានផ្តល់កិត្តិយសជូនប័ណ្ណអាហារូបករណ៍ជូនតំណាងវិទ្យាស្ថានសិក្សាចិន ក្រសួងអប់រំ យុវជន និងកីឡា និងអង្គភាពសារព័ត៌មានFresh News ដើម្បីលើកកម្ពស់កិច្ចសហប្រតិបត្តិការលើការបណ្តុះបណ្តាលភាសាចិននៅកម្ពុជា។ 

មុនពេលបិទបញ្ចប់ពិធីចុះអនុស្សារណៈយោគយល់គ្នារវាងស្ថាប័នទាំងពីរ ឯកឧត្តមបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា បានផ្តល់កិត្តិយសជូនលិខិតតែងតាំង លោក សរ រិទ្ធី ប្រធានសមាគមសហប្រតិបត្តិការដើម្បីជំរុញការអប់រំកម្ពុជា អាស៊ាន-ចិន ជាទីប្រឹក្សាវិទ្យាស្ថានសិក្សាចិននៃរាជបណ្ឌិត្យសភាកម្ពុជា។